Сая lazulum-ийн бичсэн зүүдний тухай бичлэгийг уншаад өөрийнхөө зүүдний талаар бичмээр санагдчихлаа.

Би л хувьдаа дандаа зүүдэлдэгээ. Гэхдээ яг сэрэхийнхээ өмнөхөн зүүдэлсэн зүүдээ санаад байх шиг байдаг юм. бас хааяа хар дарж зүүдлээд сэрвэл тэр зүүдээ тодоос тод санахыг нь яанаа.

Би нэг хэсэг яг ингэж, нэг юманд хөөгдөж, зугтааж зүүдэлдэг байсан. Одоо харин тэгж зүүдлэхээ больж, яагаад тэгж зүүдэлдэг байсан юм бүү мэд. ямар ч байсан би зугтаад л, ядаж байхад баригдахгүй шүү, яг ард л хөөгөөд байна. тэгээд нэг газар ороод нуугдахаар нээх удалгүй л ороод ирнэ. Үнэхээр дарамттай. 

Ер нь юу зүүдлэх нь тухайн үеийн биеийн болоод сэтгэл санааны байдалтай холбоотой байхаа. Би бүүр жаахан 10-аад настай байхдаа ханиад хүрээд ч юм уу, халуурахаараа нээх том өрөөнд ганцаараа байна гэж зүүдэлдэг байсан. тэгээд бүүр эмнэлгийн үнэр /эм тарианы л үнэр юм уу даа/ үнэртэх шиг болдог байсааан.

Зүүд тэгээд бас их сонион. Өө сайхан хөдөө хээрт хүүхдүүдтэй тоглож байна гэж зүүдэлж байтал гэнэт гэртээ ч тоглож байх шиг, тэр хүүхдүүд нь манай найзууд байснаа дүү ч болчихсон цохиж явах шиг. бас их тэнүүчилнээ, энэ зүүд чинь.

Зүүд зөнтэй гээд л зарим нь яридаг. Надад л лав тэгж мэдэгдсэн юм алга. гэхдээ зүүдэлсэн зүүд бүр минь биелбэл ч би лав галзуурах байхаа.